貧苦留學生日記   第一篇  一月二十九日

黎左英國一個星期多，體驗好多
第一次感受到咩叫做真正既獨立..
黎到呢度，乜都係重新黎過，
你唔照顧好自己真係死左都冇人知
唔主動D就一個朋友都冇

呢個幾禮拜，識到都唔少朋友，
外國朋友，中國、台灣、韓國朋友，
感覺到中國人真係幾團結，好多謝我既鄰居陳沬，佢幫左我好多
佢係我係呢度既第一個朋友

有一個問題...我諗左好耐，究竟黎到應該同外國人玩多D, 定係亞洲人
我而家既答案係...兩種人我都想，
但同外國人玩就唔代表要成日同佢地一齊做D自己唔鍾意做既野
例如落酒吧消磨時間...我諗酒吧既話，一個星期最多兩次就夠啦
其他時間可以同中國朋友打下波，同其他朋友去行下街，去下旅行

我同好多同學唔一樣...呢間學校就只有我一個人黎
好多野真係要自己攪掂，
經過一個星期既訓練，我練成左"至抵精明眼"
去超級市場唔平既唔買，等到超市就收門先係掃平價熟食
飲水就飲水喉水，呢幾日食既方包...係我一年既總和
之前一直好懶唔肯自己煮野食，但今日開始...我屈服啦...

琴日去shopping既時候，朋友們買Burberry, Westwood恤衫，
動不動就花左百幾二百磅...
我忍住手...度過量過之後，買左四十磅既衣褲鞋襪，
但總共全日連車費已經洗左成百磅...超級肉赤...

自問本身就唔係亂咁洗錢既人，但我相信返到黎之後，
我會更加慳...但慳就慳自己~手信，禮物都係要買

最大既難關就係...呢度D人做野好慢...好HEA
黎到呢度之後成個人係懶左唔少，Projects又未開始，
冇乜野做，好多時間都浪費左
但更令我明白到計劃既重要性
我要好好分配自己每日既時間

我相信係呢個留學生涯，我一定會成長好多

還好，我有我好掛住好掛住既人
每次悶既時候諗起佢，都覺得好實在
好想快D返到香港見到佢